autor: Andrzej "Toluś" Skupiński.
1.
Jo se miyszkom przi krojcoku
Wedle gruby Bożych Stron
W trzisztokowym familoku
Mój rodzinny dom.
Tam jo ze szlojdra łokna trzaskoł
jakżech jeszcze bajtlem boł
z trzecigo sztoku po gelyndrze
Sjyżdżoł na som doł.
Ref:
Jo wom godom idźcie do dom,
Jakeście gorole som,
A jak niy to posłuchejcie
Moj gelynder, gelynder blues
Gelynder o fein
Mein beatifull
Jak sie po nim sjada na dół
Czuja sie jak król
Niech sie wszystkie chopcy gapcom
Baby niych klachajom durch
Jo tymczasym po gelyndrze
W te i nazod zrobia kurs.
2.
W Katowicach na banhowie
Elektryczne schody som
We wieżowcach wszyjstkie windy
Automatik full.
Ani mie to ziymbi, parzy,
Jo mom w żici te wygody
Styknie mi gelynder własny,
Trzeci sztok i jada w dół.
Ref.
3.
Przijechali skondś chachary
Mój familok zbulić chcom
I padajom: Na tym placu
Stanie komfortowy dom.
Narobili kupa larma
I po wszystkim, koniec szlus.
Skuli tego mi sie łostoł
Ino tyn gelynder blues.
Ref.
http://www.youtube.com/watch?v=Id9eTGXs7P0&feature=related