autor: Fojerman
http://www.fojerman.pl
Ślónzok, to brzmi dumnie!
Kto chce sie do tego prziznać,
niech tak, jak yno umi,
dbo o ta Ojcowizna.
Ślónzok, to wielki słowo.
Kery sie nim posłóguje,
musi, co chwila na nowo,
pokozać, że na to zasłóguje.
Starziki za te słowo
w powstaniach życi oddały
i z podniesiónóm głowóm
dlo nas go zachowały.
Teraz nie trzeba życio
za Ojcowizna oddować,
chocioż, sposobym bycio,
trza młodym przikład dować.
Kery chce był Ślónzokiym,
niech z tego biere nauki,
bo nas po latach, potym,
rozliczóm z tego wnuki.